TAU-da "Açıq qapı" günləri!
Türkiyə-Azərbaycan Universitetində (TAU) hər il "Açıq qapı” günləri keçirilir. "Açıq qapı” günündə abituriyentlər və valideynlər iştirak edərək TAU ilə bağlı onları maraqlandıran sualları universitetin rektoruna və proqram rəhbərlərinə ünvanlayır.
TAU-da tədris prosesinə Türkiyədən Orta Doğu Tekniki Universiteti, İstanbul Tekniki Universiteti və Haccettepe Universiteti, Azərbaycandan isə Azərbaycan Texniki Universiteti tərəfdaş kimi cəlb olunub.
Universitetdə kompüter mühəndisliyi, sənaye mühəndisliyi və qida mühəndisliyi ixtisasları üzrə tədris aparılır. Bütün ixtisaslar üzrə tədris ingilis dilində və dövlət hesabına həyata keçirilir.
