Layihənin müəllifləri TAU və AzTU tələbələrindən ibarət
“NEXO” komandasıdır.
TAU-nun Kompüter mühəndisliyi ixtisasının tələbələri Ömər Səbzəliyev,
Ömər Bəşirli, Sənaye mühəndisliyi ixtisasının tələbələri Zərəngiz İsmayılova,
Nihad Məmmədov, Murad Niftəliyev və AzTU-nun Energetika mühəndisliyi və Sistemlər
mühəndisliyi ixtisaslarının tələbələri Arzu Aslanova və Məmməd İsmayıllının
birlikdə hazırladığı “NEXO” (əlaqələndirici deməkdir) startap layihəsi əsasən internetsiz
mesajlaşmanı nəzərdə tutan mobil tətbiqdir. Bu layihə təbii fəlakətdən əziyyət çəkən
insanlar və böyük festivallar, konsertlər üçün nəzərdə tutulub. Mobil tətbiq
Bluetooth Mesh şəbəkəsi və WiFi texnologiyalarını özündə birləşdirərək
internetsiz mesajlaşmanı təmin edir.
Layihə Azərbaycan Texniki Universitetinin (AzTU) İnkubasiya
Mərkəzində “Startap Azərbaycan” platformasının tərəfdaşlığı ilə təşkil olunan “Startap
Günləri” innovasiya müsabiqəsinə təqdim olunub və tələbələr III yerə layiq
görülüb.
