Türkiyə-Azərbaycan Universitetində təsərrüfat işləri üzrə mütəxəssis vəzifəsinə vakansiya elan edilir

Türkiyə-Azərbaycan Universitetində (TAU) təsərrüfat işləri üzrə mütəxəssis vəzifəsinə vakansiya elan edilir.     

Tələblər:

• Müvafiq sahə üzrə ali təhsil;

• İnzibati-təsərrüfat işləri üzrə azı 2 il iş təcrübəsi;

• Təşkilatçılıq və koordinasiya bacarığı;

• Sənədlərlə və inventar uçotu ilə işləmək bacarığı;

• Məsuliyyətli, operativ və komanda ilə işləmə bacarığı;

• MS Office proqramlarında işləmək bacarığı.

 Öhdəlikləri:

• Universitetin inzibati və təsərrüfat işlərinin gündəlik təşkilində iştirak etmək;

• Bina, otaqlar, mebel, avadanlıq və digər təsərrüfat əmlakının vəziyyətinə nəzarət etmək;

• Təsərrüfat materiallarına olan tələbatın müəyyənləşdirilməsi və təminat prosesində iştirak etmək;

• Təsərrüfat avadanlıqlarının inventar uçotunun aparılmasına dəstək vermək;

• Təmir, texniki xidmət, təmizlik və digər təsərrüfat xidmətlərinin koordinasiyasında iştirak etmək;

• Universitet ərazisində nizam-intizam, təhlükəsizlik və təsərrüfat işləri ilə bağlı məsələlərin operativ həllinə dəstək vermək.

📩 Müraciət qaydası:

Tələblərə uyğun namizədlərdən mövzu yerində mövcud vakansiya adını qeyd etməklə CV-lərini cv@tau.edu.az elektron poçt ünvanına göndərmələri xahiş olunur. Yalnız tələblərə cavab verən namizədlərlə əlaqə saxlanılacaqdır.

Müraciət üçün son tarix: 25 sentyabr 2026

Türkiyə-Azərbaycan Universitetində hüquqşünas vəzifəsinə vakansiya elan edilir

 Türkiyə-Azərbaycan Universitetində (TAU) qanunvericilik məsələlərinin tənzimlənməsi üçün hüquqşünas vəzifəsinə vakansiya elan edilir.  

 Tələblər: 

• Hüquq üzrə ali təhsil;

• Hüquq sahəsində ən azı 5 il  iş  təcrübəsi;

• Azərbaycan və Türkiyə Respublikalarının qanunvericiliklərini, xüsusilə əmək və təhsil qanunvericiliyini bilmək (Hər iki ölkənin  hüquq sistemləri ilə bağlı praktiki təcrübənin olması arzuolunandır)

• Azərbaycan, türk və ingilis dillərində yaxşı yazılı və şifahi ünsiyyət bacarığı;

• Analitik düşünmə, hüquqi araşdırma və sənədlərlə işləmə bacarığı.

Öhdəliklər:

• Universitetin fəaliyyətinə aid hüquqi məsələləri araşdırmaq və hüquqi rəy hazırlamaq;

• Əmək, təhsil, inzibati, müqavilə və digər hüquqi məsələlər üzrə hüquqi məsləhət vermək;

• Müqavilələrin, əmrlərin, məktubların və digər sənədlərin hüquqi ekspertizasını aparmaq;

• Normativ-hüquqi aktların universitetin fəaliyyətinə təsirini izləmək və rəhbərliyə məlumat vermək;

• Hüquqi yazışmaları və aidiyyəti sənədlərin hazırlanmasını təmin etmək;

• Universitetin hüquqi maraqlarının qorunmasına dəstək vermək.

📩 Müraciət qaydası:

Tələblərə uyğun namizədlər mövzu yerində mövcud vakansiya adını qeyd etməklə, öz CV-lərini cv@tau.edu.az elektron poçt ünvanına göndərə bilərlər. Yalnız tələblərə cavab verən namizədlərlə əlaqə saxlanılacaq.

Müraciət üçün son tarix: 30.09.2026

Türkiyə-Azərbaycan Universitetində İT mütəxəssisi vəzifəsinə vakansiya elan edilir

Türkiyə-Azərbaycan Universitetində (TAU) İT mütəxəssisi vəzifəsinə vakansiya elan edilir.  

Tələblər: 

• İnformasiya texnologiyaları, kompüter elmləri və ya uyğun ixtisas üzrə ali təhsil;

• İT sahəsində azı 3 il  iş təcrübəsi;

• Windows, MS Office və kompüter avadanlıqları üzrə praktiki biliklər;

• Problemləri operativ müəyyənləşdirmək və həll etmək bacarığı;

• Şəbəkə üzrə baza bilikləri;

• Azərbaycan, türk və ingilis dillərində yaxşı yazılı və şifahi ünsiyyət bacarığı.

Öhdəliklər:

• Universitetin kompüter və informasiya texnologiyaları infrastrukturunun gündəlik texniki dəstəyini təmin etmək;

• İşçi kompüterləri, periferik qurğuları və proqram təminatını quraşdırmaq və sazlamaq;

• İstifadəçilərin İT ilə bağlı müraciətlərini qəbul etmək və texniki problemləri həll etmək;

• İnformasiya sistemləri və elektron xidmətlərin texniki dəstəyində iştirak etmək;

• Kompüter avadanlıqlarının inventar uçotunun aparılmasına və texniki vəziyyətinə nəzarət etmək;

• İnformasiya təhlükəsizliyi üzrə müəyyən edilmiş qaydalara riayət olunmasını təmin etmək.

📩 Müraciət qaydası:

Tələblərə uyğun namizədlər mövzu yerində mövcud vakansiya adını qeyd etməklə, öz CV-lərini cv@tau.edu.az elektron poçt ünvanına göndərə bilərlər. Yalnız tələblərə cavab verən namizədlərlə əlaqə saxlanılacaq.

Müraciət üçün son tarix: 15.09.2026

Türkiyə-Azərbaycan Universitetində katib-referent vəzifəsinə vakansiya elan edilir

Türkiyə-Azərbaycan Universitetində (TAU) katib-referent vəzifəsinə vakansiya elan edilir.  

Tələblər: 

• Humanitar, filologiya və ya idarəetmə sahələri üzrə ali təhsil (Türkiyə universitetlərinin məzunlarına üstünlük verilir)

• Müvafiq sahə üzrə minimum 1-2 il iş təcrübəsi (Təhsil müəssisələrində təcrübə arzuolunandır);

• Azərbaycan və Türk dillərində mükəmməl, İngilis dilində yaxşı (minimum B2) səviyyədə yazı və danışıq bacarığı;

• MS Office (Word, Excel, PowerPoint) proqramları ilə yüksək səviyyədə işləmək bacarığı;

• Yüksək ünsiyyət, nitq mədəniyyəti, operativlik və konfidensiallıq prinsiplərinə riayət etmə bacarığı.

Öhdəliklər:

• Tədris işləri üzrə prorektorun iş qrafikinin (görüşlər, iclaslar, zənglər) planlaşdırılması və idarə edilməsi;

• Tədris departamenti ilə digər struktur bölmələri arasında operativ sənəd dövriyyəsinin təşkili;

• Daxil olan sənədlərin, məktubların və müraciətlərin qəbulu, qeydiyyatı və aidiyyatı üzrə yönləndirilməsi;

• Rəsmi işgüzar məktublaşmaların (Azərbaycan, Türk və İngilis dillərində) aparılması;

• İclas protokollarının tərtib edilməsi və qərarların icrasına nəzarət;

• Qonaqların qarşılanması və qəbulunun təşkil edilməsi.

📩 Müraciət qaydası:

Tələblərə uyğun namizədlər mövzu yerində mövcud vakansiya adını qeyd etməklə, öz CV-lərini cv@tau.edu.az elektron poçt ünvanına göndərə bilərlər. Yalnız tələblərə cavab verən namizədlərlə əlaqə saxlanılacaq.

Müraciət üçün son tarix: 15.09.2026

Türkiyə-Azərbaycan Universitetində miqrasiya məsələləri üzrə mütəxəssis vəzifəsinə vakansiya elan edilir

Türkiyə-Azərbaycan Universitetində (TAU) miqrasiya məsələləri üzrə mütəxəssis vəzifəsinə vakansiya elan edilir.  

Tələblər: 

• Ali təhsil (Hüquq, Beynəlxalq münasibətlər və ya əlaqəli sahələr üstünlükdür);

• Miqrasiya məsələləri və DMX ilə iş sahəsində minimum 2 il rəsmi iş təcrübəsi (Təhsil müəssisələrində təcrübə arzuolunandır);

• Azərbaycan Respublikasının Miqrasiya Məcəlləsini mükəmməl səviyyədə bilmək;

• Dil bilikləri: Azərbaycan və türk dili (mükəmməl), İngilis dili (yüksək səviyyədə - B2/C1);

• MS Office proqramları və elektron dövlət portalları ilə sərbəst işləmək bacarığı.

Öhdəliklər:

• Universitetə dəvət olunan xarici professor-müəllim heyətinin miqrasiya sənədləşmələrinin tam idarə edilməsi;

• Dövlət Miqrasiya Xidməti (DMX) ilə bütün rəsmi yazışmaların, müraciətlərin və sənəd dövriyyəsinin qanunvericiliyə uyğun aparılması;

• Xarici vətəndaşların Azərbaycan Respublikasında müvəqqəti olma müddətlərinin uzadılması, müvəqqəti və daimi yaşama icazələrinin (MYİ/DYİ), həmçinin iş icazələrinin alınması və vaxtında yenilənməsi prosesinin icrası;

• Xarici professor-müəllim heyətinin olduğu yer üzrə qeydiyyata alınması prosesinə dəstək və nəzarət edilməsi;

• Miqrasiya qanunvericiliyindəki dəyişikliklərin mütəmadi izlənilməsi və daxili prosedurların buna uyğunlaşdırılması;

• Xarici professor-müəllim heyətinə vizalar, sərhədkeçmə və digər miqrasiya məsələləri ilə bağlı konsultasiyaların verilməsi.

📩 Müraciət qaydası:

Tələblərə uyğun namizədlər mövzu yerində mövcud vakansiya adını qeyd etməklə, öz CV-lərini cv@tau.edu.az elektron poçt ünvanına göndərə bilərlər. Yalnız tələblərə cavab verən namizədlərlə əlaqə saxlanılacaq.

Müraciət üçün son tarix: 15.09.2026

Abituriyentlər üçün "Açıq qapı" günləri keçiriləcək

TAU ali təhsil müəssisələrinin sərgisində təmsil olunacaq

29-31 iyul tarixlərində Dövlət İmtahan Mərkəzinin (DİM) təşkilatçılığı ilə Mərkəzin Elektron imtahanlar korpusunda ali təhsil müəssisələrinin sərgisi təşkil olunacaq.

Sərginin əsas məqsədi ixtisas seçimindən öncə abituriyentləri ali təhsil müəssisələrinin imkanları ilə tanış etmək və onların ixtisas seçiminin müəyyən edilməsinə dəstək göstərməkdir.

TAU-nun akademik heyəti öz stendi ilə sərgidə iştirak edəcək. Sərgi zamanı iştirakçılar TAU-da qəbul prosesi, tədris proqramları, maddi-texniki baza və onları maraqlandıran suallara cavab almaq imkanı əldə edəcəklər.

Sərgi zamanı TAU-dakı ixtisaslar və qəbul şərtləri barədə təqdimatlar da nümayiş olunacaq. Sərgidə iştirak etmək istəyən abituriyentlər və onların valideynləri bu linkdən qeydiyyatdan keçə bilərlər: https://portal.dim.gov.az/sergi/

Qeyd: Sərginin keçiriləcəyi ünvan DİM-in Elektron İmtahanlar Korpusu, Bakı şəhəri, Binəqədi rayonu, S.S.Axundov küçəsi, 50-də yerləşir.